Eksperti për turizmin Isa Krasniqi, në një intervistë në “Money Report” në ABC News, foli për zhvillimin e turizmit në vend. Ai u shpreh se është punuar shumë për promovimin e vendit.
Gjithashtu vlerësoi edhe Samitin që pret liderët europianë në Tiranë, duke thënë se imazhi i Shqipërisë tashmë ka ndryshuar dhe kjo sipas tij falë punës së vazhdueshme edhe nga ana e qeverisë. Eksperti vlerësoi edhe aeroportin e Vlorës, duke shtuar se do të nxisë zhvillimin ekonomik.
Risi, siç tha ai në këtë sezon turistik është edhe fakti se në Shqipëri, pritet që të kemi turistë nga Azia dhe nga Indonezia duke zgjeruar në këtë mënyrë edhe hartën nga vijnë turistët në vendin tonë.
“Sa i përket imazhit ndërkombëtar Shqipëria po përmendet nga media shumë të njohura ndërkombëtare. Të gjitha këto evente kanë ndikuar në një imazh të mirë të Shqipërisë. Kemi pasur një numër të lartë të turistëve. Mund të themi që 14 milion turistë pritet që të vizitojnë Shqipërisë. Sepse është punuar shumë për promovimin e vendit. Ndërkohë Aeroporti i Vlorës, do të jetë shumë i rëndësishëm dhe pritet të rrisë edhe fluksin. Do të fusë disa linja ajrore, ende nuk janë konfirmuar, por pritet të jenë jo vetëm low cost. Qyteti i Vlorë, por edhe Himara, Gjirokastra, Saranda do të jenë qytete ku turizmi do të ndikojnë shumë edhe në ekonomi. Qeveria, por edhe sektori privat, po bën një promovim jashtëzakonisht të madh në vendin tonë. Dhe numri i turistëve do të jetë në rritje. Shqipëria jep, dhe ka çfarë jep. Në gjithë zonën e jugut ne kemi dy dete. Kemi resorte, hotele, edhe me çmime konkurruese”, u shpreh ai./abcnews.al/
