Që kur armëpushimi midis Izraelit dhe Hamasit përfundoi në mars me sulmet ajrore izraelite, bombardimet kanë vazhduar në të gjithë Gazën.
Sipas të dhënave të spitalit, më shumë se 40 persona janë vrarë në sulmet e fundit izraelite në të gjithë Rripin e Gazës, raporton BBC.
Sipas raportimeve, të paktën 36 trupa u transportuan në spitalet në jug, ku u raportua bombardim intensiv izraelit gjatë natës.
Shënjestra e sulmit ishte Khan Younis, qyteti më i madh në jug të Gazës.
Një burim në Spitalin Nasser në Khan Younis konfirmoi se midis të vdekurve kishte fëmijë, përfshirë një foshnjë. Sulmet goditën shtëpi dhe çadra që strehonin familje të zhvendosura në qytet dhe zonat përreth.
Gazetarët vendas raportuan se morgu i spitalit kryesor të qytetit ishte i mbushur me trupa, ndërsa korridoret e urgjencës ishin plot me të plagosur.
