Faton Peci nga Lista Guxo, pjesë e grupit parlamentar të Vetëvendosjes, ka insistuar se ata kanë ofruar të gjitha zgjidhjet e mundshme për formimin e institucioneve të reja.
Pas dështimit të 16-të të konstituimit të Kuvendit të Kosovës, ai ka përmendur hapat e ndërmarrë.
“Ka ndërruar modaliteti nga votimi i hapur në votim të fshehtë, është e njëjta pikë e rendit të ditës. Ndërsa sa i përket momentit kur kryeministri në detyrë, Albin Kurti ka ftuar partitë politike opozitare në një diskutim, ky takim ka pasur për synim arritjen e një marrëveshje për konstituimin e Kuvendit, zgjedhjen e kryetarit dhe nënkryetarëve nga shumica shqiptare”, ka thënë ai.
Ai ka thënë se problematika e ngërçit nuk qëndron te emri i Albulena Haxhiut.
“Uroj e shpresoj që nga takimet të dilet me ndonjë propozim që janë rrugëzgjidhje”, ka thënë ai për takimet që do të mbahen me presidenten Vjosa Osmani.
