Sot, Ukraina dhe Rusia duhej të zhvillonin një raund të ri bisedimesh për paqe në Stamboll.
Agjencia shtetërore ruse e lajmeve raporton, duke cituar një burim pranë negociatave, se bisedimet e drejtpërdrejta midis delegacioneve ruse dhe ukrainase në Stamboll do të fillojnë të premten, më 16 maj.
Asnjëra palë nuk e ka konfirmuar zyrtarisht ende ricaktimin e takimit dhe më parë pritej që bisedimet të zhvilloheshin sot.
Kujtojmë se Putini propozoi për herë të parë negociata të drejtpërdrejta për 15 maj gjatë fundjavës, por Kremlini më vonë njoftoi se ai nuk do të merrte pjesë.
Zyrtarët rusë kanë lënë të kuptohet se do të këmbëngulin në kërkesat maksimaliste në Stamboll, të ngjashme me ato të raundit të dështuar të negociatave në Turqi në pranverën e vitit 2022.
