Negociatat për një përfundim të mundshëm të luftës në Ukrainë do të zhvillohen sot në Turqi. Zelensky po shkon në Stamboll, por siç është njoftuar, as Putin dhe as Trump nuk do të jenë atje.
Konkretisht, Kremlini dje zbuloi anëtarët e delegacionit që do të marrë pjesë në negociatat e drejtpërdrejta me Ukrainën, por Presidenti Vladimir Putin nuk përmendet midis tyre.
Delegacioni rus do të udhëhiqet nga këshilltari presidencial Vladimir Medinsky dhe do të përfshijë gjithashtu zëvendësministrin e Jashtëm Mikhail Galuzhin dhe zëvendësministrin e Mbrojtjes Aleksandr Fomin, sipas një liste të publikuar nga Kremlini.
Trump tha se do të vinte nëse do të vinte Putini.Bisedimet e propozuara midis Rusisë dhe Ukrainës në Stamboll janë shtyrë për të enjten pasdite me iniciativën e palës turke, tha zëdhënësja e Ministrisë së Jashtme ruse, Maria Zakharova.
