Ushtarët turq të KFOR-it, të caktuar në Komandën Rajonale në Lindje të misionit të KFOR-it të udhëhequr nga NATO, zhvilluan patrulla nëpër komunat e Kosovës.
Sipas njoftimit nga KFOR-i, këto aktivitete zhvillohen gjatë gjithë ditës dhe natës në kuadër të misionit ditor për përkrahjen e njerëzve dhe komuniteteve të Kosovës.
KFOR-i thekson se vazhdon të zbatojë mandatin e tij për të kontribuar në një mjedis të sigurt dhe të qetë për të gjithë njerëzit dhe komunitetet që jetojnë në Kosovë dhe lirinë e lëvizjes, në çdo kohë dhe se KFOR-i punon në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX).
