Ministrja e deritanishme e Ekonomisë, Artane Rizvanolli, ka thënë se ligji për energjinë elektrike, i cili po gjen kundërshtime sot, ishte miratuar para afro dhjetë vjetësh.
Ajo ka publikuar në Facebook vendimin e aprovimit të këtij projektligji në kohën kur Isa Mustafa ishte kryeministër.
“Ligji që parasheh liberalizimin e tregut, zbatimi i të cilit po kundërshtohet sot, është miratuar nga Qeveria Mustafa para gati 10 vitesh”, ka shkruar ajo.
Me kërkesë të Zyrës së Rregullatorit për Energji në Kosovë (ZRRE), të gjitha kompanitë me mbi 50 punëtorë ose me qarkullim mbi 10 milionë euro, do të dalin në tregun e hapur të energjisë nga 1 qershori.
