Kryeministri në detyrë Albin Kurti në intervistën në RTK tha se nuk do koalicion me PDK-në, e sipas tij, kësaj partie i duhet minimalisht të qëndrojë në opozitë edhe një mandat.
“Unë i kam ofruar koalicion LDK-së sepse konsideroj që më së afërmi në bashkëqeverisje edhe sa i përket orientimeve edhe sa i përket përvojave, por edhe sa i përket elektorateve tona do të ishte koalicion i duhur. LVV, plus LDK, plus pakicat jo serbe do të bëheshin 77, madje nëse na shtohen edhe 3 të Nismës do të bëheshim 80”, tha ai.
Kurti tha se nuk është për solucionet qeveri teknike, tranzicionale e gjithëpërfshirëse, të cilat sipas tij, e lënë Kosovën pa opozitë.
“Besoj që edhe një mandate minimalisht i duhet PDK-së të jetë në opozitë. Mezi pas 20 vjetësh e nxorëm në opozitë. Unë nuk e di pse gjithë ky zell i atyre që janë në opozitë e nuk janë në PDK që ta kthejnë PDK në qeverisje”, tha Kurti.
Ai tha se nuk u duhet PDK-ja në qeveri.
“Pse ta lëmë Kosovën pa opozitë unë nuk po e kuptoj. Duhet të kemi edhe qeveri edhe opozitë”, shtoi ai.
