Forcat speciale të Azerbajxhanit stërvitën ushtrinë serbe

Specialistët e Forcave Speciale të Ushtrisë Azerbajxhanike kryen stërvitje luftarake për ushtarakët e Forcave të Armatosura Serbe në kuadër të “Planit të Bashkëpunimit Ushtarak Dypalësh” të nënshkruar midis Beogradit dhe Bakusë për vitin 2025. Gjatë ushtrimeve, specialistët ushtarakë azerbajxhanas punuan me kolegët e tyre serbë mbi përdorimin e llojeve të ndryshme të armëve të përdorura gjatë operacioneve luftarake, formacionet luftarake, teknikat e avancimit, rregullat dhe metodat për përdorimin e mjeteve ajrore pa pilot, mbikëqyrjes dhe dronëve sulmues. Gjatë stërvitjes u zhvillua edhe praktikë në qitje.