“Çdo fëmijë, çdo foshnjë në Gaza është një armik”, pohoi ai pa asnjë ekuivok.
Ai tha se armiku nuk është Hamasi apo krahu ushtarak i Hamasit, por “çdo fëmijë në Gaza”.
“Çdo fëmijë në Gaza është një armik. Ne duhet ta pushtojmë Gazën dhe ta popullojmë atë, dhe asnjë fëmijë nga Gaza nuk do të qëndrojë atje. Nuk ka fitore tjetër”, tha politikani izraelit.
Deklarata vjen në një kohë kur Izraeli ka intensifikuar sulmin e tij në Rripin e Gazës dhe shumica e ekspertëve botërorë nuk kanë dyshim se Izraeli po kryen gjenocid në Rripin e Gazës.
Kryeministri izraelit Benjamin Netanyahu deklaroi gjithashtu pa mëdyshje se qëllimi i luftës është dëbimi i palestinezëve nga Rripi i Gazës. Gjykata Ndërkombëtare Penale ngriti padi ndaj Netanyahut nën dyshimin për gjenocid.
Lideri i Partisë Demokratike të opozitës izraelite, Yair Golan, kritikoi ashpër qeverinë izraelite për Gazën dhe tha se ata vrasin fëmijë si hobi.
Në një intervistë me transmetuesin publik Kan, Golan tha se Izraeli nuk po vepronte në mënyrë të arsyeshme.
“Izraeli është në rrugën e duhur për t’u bërë një shtet i përjashtuar, si Afrika e Jugut, nëse nuk kthehemi të sillemi si një vend i arsyeshëm. Një vend i arsyeshëm nuk lufton civilët, nuk vret fëmijët si hobi dhe nuk i vendos vetes qëllimin e dëbimit të popullsisë”, tha Golan.
