Ministrja në detyrë e Drejtësisë, Albulena Haxhiu, zhvilloi sot një takim me përfaqësues të policisë, prokurorisë dhe gjykatës në Mitrovicën e Veriut, për të diskutuar trajtimin e rasteve të pretenduara të ngacmimeve seksuale.
Haxhiu, në një postim në Faceboo, theksoi rëndësinë e trajtimit të çdo rasti me profesionalizëm, duke garantuar se drejtësia do të ofrohet për të gjithë qytetarët, pa dallim etnie apo vendndodhjeje.
Ajo ftoi qytetarët të raportojnë çdo rast ngacmimi apo dhune seksuale pranë institucioneve përkatëse.
“Drejtësia, barazia dhe dinjiteti janë vlera që nuk negociohen. Së bashku, mund të ndërtojmë një shoqëri ku respektohet çdo individ dhe ku ngacmimi seksual nuk ka vend”, ka shkruar Haxhiu në Facebook.
