Përfaqësuesja e lartë e Bashkimit Evropian për Punë të Jashtme dhe Politika të Sigurisë, Kaja Kallas, shprehu mbështetje për Maqedoninë e Veriut në rrugën e saj drejt BE-së gjatë një takimi me kryeministrin Hristian Mickovski në Shkup. Ndërkohë, Mickovski konfirmoi gatishmërinë e Maqedonisë për të pranuar ndërmjetësues në çështjen e hapur me Bullgarinë.
“Bashkimi Evropian qëndron me Maqedoninë e Veriut në rrugën e saj drejt BE-së”, kështu deklaroi sot në Shkup përfaqësuesja e lartë e Bashkimit Evropian për Punë të Jashtme dhe Politika të Sigurisë, Kaja Kallas, pas takimit që pati me kryeministrin Hristian Mickovski.
“Mesazhi im është që të mbeteni në kursin e njëjtë, t’i bëni hapat për daljen e bisedimeve aderuese, kjo nënkupton se Unioni Maqedonisë do t’i jep mbështetje më të madhe, pa marrë parasysh, në sundimin e ligjit, luftën kundër korrupsionit apo modernizimin e administratës publike”, tha Kallas.
Në konferencën e përbashkët, kryeministri Mickovski tha se Maqedonia e Veriut është e gatshme të pranojë edhe ndërmjetësues për të zgjidhur çështjen e hapur me Bullgarinë.
“Jemi të gatshëm të flasim në nivel të bisedimeve dypalëshe, në nivel si partner të NATO-s. Kushdo që dëshiron të ndërmjetësojë, ne jemi të gatshëm të flasim me të. Isha shumë i qartë, ne duam zgjidhje që do të jetë dinjitoze”, tha Mickoski.
Kjo është vizita e dytë e Kallasit në rajon që nga marrja e detyrës. Para se të mbërrinte në Shkup, ajo vizitoi Beogradin dhe Prishtinën.
