Derisa, Kaja Kallas sot ka qenë me agjendën e ditës së dytë të qëndrimit të saj të parë në Kosovë, pas takimeve që ka pasur me krerë institucional e politik si dhe të misioneve paqeruajtëse në vend, në adresë të saj i ka shkuar një letër nga OVL e UÇK-së.
Organizata e Veteranëve të Luftës së UÇK-së shqetësimet e tyre rreth procesin që po zhvillohet në Gjykatën Speciale në Hagë i kanë vendosur në letër e ku përveç, Kaja Kallasit, kanë thënë se të njëjtën u kanë përcjellë edhe shumë institucioneve, organizatave e personaliteteve ndërkombëtare, përfshirë edhe Avokatit të Popullit të BE-së, aty ku Kallas është emëruar shefe e diplomacisë.
Përveç tyre, letra sipas OVL të UÇK-së u ka shkuar edhe në adresë të Amnesty International e Human Rights Watch, por edhe te Eliot Engel, Ish-Kongresistit të Shteteve të Bashkuara e Ritchie Torres, Anëtar i Dhomës së Përfaqësuesve të SHBA-së.
Kjo është letra e plotë e OVL të UÇK-së:
Organizata e Veteranëve të Luftës së UÇK-së ka dërguar letra zyrtare me shqetësimet tona lidhur me procesin në Dhomat e Specializuara në Hagë, drejtuar këtyre institucioneve dhe personaliteteve ndërkombëtare të njohura për angazhimin e tyre në çështjet e Kosovës:
Znj. Agnès Callamard, Sekretare e Përgjithshme e Amnesty International.
Znj. Tirana Hassan, Drejtoreshë Ekzekutive e Human Rights Watch.
Znj.Teresa Anjinho , Avokatja e Popullit të BE-së.
Ambasador Gerard McGurk, Shef i Misionit të OSBE-së në Kosovë.
Z. Eliot Engel, Ish-Kongresmen i Shteteve të Bashkuara të Amerikës.
Z. Ritchie Torres, Anëtar i Dhomës së Përfaqësuesve të SHBA-së.
Znj. Kaja Kallas, Përfaqësuese e Lartë e BE-së për Punët e Jashtme dhe Politikën e Sigurisë.
Z. Lukas Mandl, Deputet në Parlamentin Evropian.
Z. Thijs Reuten, Deputet në Parlamentin Evropian, dhe disa personaliteteve tjera.
“Në këto letra, OVL UÇK ka shprehur shqetësimet tona për trajtimin e bashkëluftëtarëve tanë nga Dhomat e Specializuara, duke kërkuar drejtësi të barabartë dhe trajtim me respekt në përputhje me vlerat evropiane dhe ndërkombëtare”, thuhet në letrën e OVL të UÇK-së.
