Greva e punëtorëve të kompanisë rajonale “Pastrimi” po vazhdon, me protestuesit që po qëndrojnë përpara objektit të Komunës së Prishtinës, duke kërkuar realizimin e kërkesave të tyre.
Kryetari i Sindikatës së punëtorëve, Ardian Krasniqi, ka bërë të ditur përmes një postimi në Facebook se greva nuk do të ndërpritet deri në përmbushjen e plotë të kërkesave.
“Sot, me datë 25 maj 2025, ditë e diel dhe ditë vikendi, ne vazhdojmë të qëndrojmë në grevë. Greva do të vazhdojë deri në përmbushjen e plotë të kërkesave tona nga ana e Komunës së Prishtinës”, ka shkruar Krasniqi.
“Ne mbetemi të vendosur dhe stoikë në kërkesat tona – Greva vazhdon!”, ka shkruar ai.
