Presidentja e Kosovës Vjosa Osmani, ka thënë se është koha që NATO t’i hapë dyert për Republikën e Kosovës.
Ajo ka ndarë fjalimin që ka mbajtur para Asamblesë Parlamentare të NATO-s në Dayton të Shteteve të Bashkuara të Amerikës. Gjatë këtij fjalimi, Osmani ka thënë se është koha që NATO t’i hapë dyert për Republikën e Kosovës.
Osmani tha se Kosova i beson NATO-s dhe angazhimit të palëkundur të kësaj Aleance për paqen.
“Në Kosovë ne besojmë në fuqinë e transparencës së kësaj Aleance, jo vetëm për fuqinë ushtarake, jo vetëm për arritjet strategjike por për angazhim i palëkundur për paqen”, tha Osmani,
Sipas saj, në vitet në vazhdim Kosova synon ta dyfishojë buxhetin e mbrojtjes. “Në vitet në vazhdim ne synojmë ta dyfishojmë këtë shifër, sepse të jesh në gjendje të mbrosh paqen është një nga misionet tona më të rëndësishme. Dhe tani është në dorë të NATO-s që t’i hapë dyert e saj për partnerë si Kosova e cila për shumë gjatë ka kontribuuar për të mbrojtur vlerat e përbashkëta në të mirë të sigurisë globale”, tha ajo.
Osmani ka përmendur se si fëmijët para luftës janë frikësuar të shkojnë në shkollë, ndërsa tani ata janë pjesë e universiteteve në botë, raporton RTKlive. Sipas saj Kosova është në këtë fazë falë NATO-s.
E para e vendit theksoi foli për solidaritetin. Osmani tha se lufta në Ukrainë na rikujton se paqja nuk është e garantuar.
