Salla“1 Tetori” në Prishtinë ka hapur dyert e edicionit të 25-të jubilar të panairit më të madh ndërkombëtar në sektorin e bujqësisë dhe agrobiznesit në Kosovë– AGROKOS & Agroturizëm 2025. Në këtë ngjarje po marrin pjesë mbi 100 ekspozues nga Kosova dhe rajoni.
Në ceremoninë e hapjes solemne të panairit mori pjesë edhe Kryeministri në dorëheqje i Kosovës, Albin Kurti dhe Ministrja në dorëheqje e Industrisë, Tregtisë dhe Ndërmarrësisë, Rozeta Hajdari. Kurti tha se ky panair është i rëndësishëm për zhvillimin ekonomik të vendit.
“Ky panair është mjafte i rëndësishëm për zhvillimin ekonomik, zhvillimin rural dhe agroturizmin në vend. Qeveria jonë ka ndërmarr hapa për të fuqizuar këtë sektor jetik për vendin përmes subvencioneve”. Kosova po punon për një bujqësi moderne si një sektor i ardhshëm ekonomik për vendin”, theksoi Kurti.
“Ky panair ka bashkuat 100 biznese të cilat synojnë rritje dhe bashkëpunim mes tyre. Objektivat tonë janë përmirësimi të konkurrencës që rezulton edhe në rritje të eksportit. Ne kemi sjellë reforma të shëndosha për të bërit biznes” shtoi Hajdari.
Fokus strategjik i panairit për këtë vit sipas organizatorëve është promovimi i prodhimeve vendore dhe fuqizimi i eksportit, përkrahja e sipërmarrjes rurale dhe gruas bujqësië, rrjetëzimi i aktorëve publikë dhe privatë për zhvillim të qëndrueshëm si dhe edukimi i qytetarëve për ushqim të shëndetshëm dhe bujqësi inovative.
Panairi është i hapur për vizitorë më 27–28 maj 2025, nga ora 10:00 deri në 16:00.
