Policia e Kosovës ka njoftuar se ka arrestuar një burrë në Lipjan, nën dyshimin se në vazhdimësi ka bërë publikime në rrjetet sociale me përmbajtje fyese, kërcënuese dhe denigruese ndaj një zyrtari policor.
Rasti fillimisht në polici ishte raportuar, më 07.05.2025.
“Është arrestuar i dyshuari mashkull kosovar për shkak të dyshimit se i njëjti në vazhdimësi ka bërë publikime në rrjete sociale me përmbajtje fyese, kërcënuese dhe denigruese ndaj viktimës mashkull kosovar zyrtar policor”, thuhet në raportin e Policisë.
Bëhet e ditur se i dyshuari pas inicimit të rastit në konsultim me prokurorin është dërguar në mbajtje.
