Disa nga deputetët e Kuvendit të Kosovës janë deklaruar në prag të nisjes së tentativës së 22-të për konstituimin e Legjislaturës së nëntë të Kuvendit të Kosovës.
Armend Zemaj nga LDK ka thënë se partia fituese s’është e interesuar për marrëveshje politike. Ai ka thënë se janë kontaktuar deputetët në bazë personale dhe jo partiake.
“Nuk guxon askush të më kontaktoj jashtë subjektit tim politik sepse votën e kam marrë nga elektorati i LDK-së dhe atij i qëndroj besnik. Por këtu i përfaqësojmë interesat e qytetarëve të vendit. Mënyra se si është trajtuar kërkesa individuale ndaj deputetëve është e pandershme dhe e pamoralshme”, ka thënë ai.
