Fatmir Limaj nga NISMA ka thënë se nuk pret të propozohet për kryekuvendar të Kosovës.
“Marrëveshjet politike ndërtohen ndryshe, nuk është çështje e befasive. Unë jam i gatshëm të takohem kurdo që kam ftesë. Kemi pirë kafe me Glaukun para dy dite. Kemi biseduar. Është më se normale të bashkëbisedojmë për zhvillimet, shqetësimet dhe t’i trajtojmë temat se si me dalë nga situata”, ka thënë ai.
Ai ka thënë se kanë pasur një marrëveshje verbale dikur me VV-në, të cilën janë gati ta bëjnë praktike.
“NISMA është e gatshme që marrëveshjen ‘gentelmene’ ta konkretizojë nëse ka nevojë me shkrim”, ka thënë ai.
“Ne besojmë që në këtë fazë kontribut më të madh mund të japim në bashkëpunim në Kuvend. Këtë ndërtesë të parlamentit dhe të funksionimit e di goxha mirë”, ka deklaruar Limaj.
