Qeveria në detyrë e Republikës së Kosovës ka mbajtur sot një mbledhje, në të cilën ka marrë disa vendime që prekin fusha të ndryshme të administrimit publik, arsimit, shëndetësisë dhe zhvillimit lokal.
Ndër vendimet e miratuara në këtë mbledhje ishin emërimet e reja në pozita drejtuese:
“Znj. Fikrije Zymberi është emëruar Drejtoreshë Ekzekutive e Agjencisë për Arsim dhe Aftësim Profesional dhe Arsim për të Rritur; Znj. Besa Bytyqi-Baraliu është emëruar Drejtoreshë e Përgjithshme e Inspektoratit të Arsimit; Znj. Sebahate Bushrani Ibraimi është emëruar Drejtoreshë Ekzekutive e Agjencisë së Meteorologjisë së Kosovës; Z. Labinot Zeqiri është emëruar Kryeinspektor i Inspektoratit Qendror të Shëndetësisë”, njofyon zyra e Kryeministrit.
Ka bërë edhe emërime të komisioneve ad-hoc për vlerësimin profesional për pozitat e larta drejtuese në Agjencinë Qendrore të Prokurimit dhe në Thesarin e Kosovës.
Miratimin e Komisionit të Ankesave për Shtetësi, i cili do të funksionojë si organ i pavarur administrativ për trajtimin e ankesave në këtë fushë, duke synuar transparencë dhe mbrojtje të të drejtave të qytetarëve.
Qeveria gjithashtu, ka bërë ndarjen e mjeteve financiare: 20,721 euro për kontributin vjetor të Kosovës në Qendrën Rajonale të MARRI (Nisma Rajonale për Migrim, Azil dhe Refugjatë).
Miratin preliminar për shpronësime publike në zonën kadastrale Lutogllavë të Komunës së Pejës, për realizimin e projektit të deponisë së re sanitare.
Si dhe ka vendimin për rialokimin e fondeve në vlerë prej 4.5 milionë eurosh në Ministrinë e Administrimit të Pushtetit Lokal për mbështetje të 25 projekteve kapitale në bashkëpunim me komunat dhe donatorët ndërkombëtarë.
“|Ndryshime ligjore në tabelat e barnave narkotike dhe substancave psikotrope në përputhje me konventat ndërkombëtare. Aprovim i Planit të rishikuar të Veprimit 2025-2026 për zbatimin e Strategjisë për Vetëqeverisje Lokale 2016-2026, me qëllim rritjen e autonomisë lokale dhe ofrimin e shërbimeve më të efektshme në nivel komunal”, njofton tutje zyra e Kryeministrit.
Këto vendime, sipas Qeverisë në detyrë, pasqyrojnë vazhdimësinë institucionale dhe përkushtimin për përmirësim të qeverisjes dhe efikasitetit në shërbime publike.
