Ambasada e SHBA-ve në Kosovë është shprehur krenare për mbështetjen që i jep Forcës së Sigurisë së Kosovës, e cila po trajnohet përkrah Ushtrisë Amerikane në një nga qendrat më prestigjioze të trajnimit luftarak në SHBA.
Ambasada e Shteteve të Bashkuara të Amerikës në Kosovë ka njoftuar se pjesëtarë të Forcës së Sigurisë së Kosovës (FSK) po marrin pjesë në trajnim përkrah njësive të Ushtrisë Amerikane në Qendrën e Trajnimit për Luftim (JRTC) në Fort Johnson, Luiziana – një nga qendrat më të avancuara dhe prestigjioze të trajnimit të ushtrisë amerikane.
“Ky moment përfaqëson përparimin në partneritetin në fushën e mbrojtjes ndërmjet Shteteve të Bashkuara dhe Kosovës, dhe tregon përkushtimin e FSK-së për ndërtimin e një force moderne, profesionale dhe të gatshme për misione, e cila kontribuon në paqen dhe sigurinë globale,” thuhet në njoftimin e Ambasadës së SHBA-ve në Kosovë.
Postimi është shoqëruar me mesazhin simbolik “#StrongerTogether on the Road to Readiness”,”#Më të fuqishëm së bashku në rrugën drejt gatishmërisë!”
