Shërbimi i Inteligjencës Ushtarake (HUR) i Ukrainës qëndron pas shpërthimeve të 30 majit pranë Gjirit Desantnaya në Vladivostok, në lindjen e largët të Rusisë, tha një burim i HUR për Kyiv Independent. Sipas pretendimeve të tij, pajisjet ushtarake dhe komanda e njësisë u dëmtuan në sulm, si dhe ushtarë u plagosën. Nëse konfirmohet saktësia e këtij informacioni, ky do të ishte sulmi më i thellë ukrainas në territorin rus – deri në 6,800 kilometra nga kufiri ukrainas.
Burimi pohon se dy shpërthime ndodhën herët në mëngjes në vendin ku ishte vendosur Batalioni i 47-të i Veçantë Ajror i Brigadës së 155-të Detare të Gardës. Kjo brigadë mori pjesë në pushtimin e Ukrainës, duke përfshirë luftimet në Mariupol, Vuhledar dhe operacionet në rajonin e Kurskut.
Mediat lokale raportuan dy shpërthime të fuqishme, të cilat çuan në mbylljen e rrugëve dhe mbërritjen e shërbimeve të emergjencës, por nuk e përmendën bazën ushtarake. Komisioni rus kundër terrorizmit i Krai Primorsky njoftoi se shpërthimet u shkaktuan nga ndezja e bombolave të gazit në automjet. Zyrtarisht nuk është raportuar për viktima.
