Policia e Kosovës ka qenë pjesë e manifestimeve për nder të 1 Qershorit – Ditës Ndërkombëtare e Fëmijëve në vende të ndryshme të Kosovës.
“Në një atmosferë të mbushur me buzëqeshje, fëmijët patën mundësinë të takohen nga afër me zyrtarët policorë, të mësojnë për sigurinë, rregullat e komunikacionit dhe mënyrat për të parandaluar dukuritë negative që ndikojnë tek fëmijët dhe të rinjtë”, thuhet në njoftimin e tyre.
Sipas njoftimit, fëmijët kanë pasur pyetje të shumta për këtë profesion.
“Pyetjet e tyre morën përgjigje të sinqerta, ndërsa respekti dhe mirëkuptimi u ndërtuan përmes bashkëbisedimit të drejtpërdrejtë”, vazhdon postimi.
