Në dy vitet e fundit, Prizreni është kthyer në një pikë referuese e turistëve nga mbarë bota. Jo vetëm nga bota, por edhe ata nga rajoni, pak ose aspak dinë për historikun e qytetit.
“Me thanë të drejtën përveç Lidhjes së Prizrenit që mbahet si të thuash Lidhja më Krenare që e ka pas kombi shqiptar patriotike nuk kam noj haber të madh sepse për herë të parë jam këtu. Nuk jam shumë në dhe informacioni që i kemi dhe shkëmbehen midis Shqipërisë dhe Kosovës për sa i përket turizmit po mbase duhet të jetë një bashkëpunim akoma më i afërt më real”, tha pwr RTK, Astrit Sulaj- vizitor.
“Unë s’kam qenë noj herë në Prizren unë jam shqiptar si puna e Zef Kosharës që thotë për flamur kuq e zi jom shqiptar kosovali”, tha Gëzim Selaci, vizitor.
Udhërrëfyesit e huaj e dëmtojnë në masë të madhe, qoftë historikun, qoftë turizmin në Prizren.
“Fatkeqësisht guidat e huaja më shumë e dëmtojnë se sa i bëjnë ndonjë reklamë të mirë të qytetit të Prizrenit jemi dëshmitar të asaj që Prizreni është duke i vizituar shumë kohëve të fundit sidomos dy vitet e fundit mirëpo fatëkeqësisht mungojnë ciceronët vendor dhe ciceronët e huaj mund ta shtrembërojnë me ose pa qëllim trashëgimin apo historinë e qytetit të lashtë të Prizrenit”, tha Bashkim Kajdomqj- nga KMLDNJ.
“Guidat ne i shohim si të mirëpritura po mos ta lakonin historinë me sa po e vërejmë na guidat e huaja që vijnë në Prizren të gjitha mbarët nga cili nacionalitet ata tregojnë historinë e qytetin si në historinë e vet d.m.th nëse vijnë nga Turqia d.m.th përkthehen që janë histori turke nëse janë serb përkthehen sikur të historisë serbe dhe nga Shqipëria thonë po këto janë të Kosovës, unë kisha bërë një apel që gudiat tona të jenë përcjellëse dhe historia të jetë ashtu siç është e vendit tonë dhe të proklamohet ashtu qysh është me gjithë karakteristikat të mira dhe të këqijat po të jetë e jona” , tha Ilir Shala nga Shoqata e Gastronomëve të Prizrenit.
Sipas drejtorit të kompleksit të Lidhjes Shqiptare të Prizrenit, Parim Kosova, në vendin tonë ende nuk është funksionalizuar një ligj, për udhëheqjen e udhërrëfyesve turistikë.
“Një çerek shekulli pas luftës nuk është një periudhë e shkurtër me ligje ndërkombëtare gjithkund është kur të vjen janë delegacione të themi një turr i turistëve prej ndonjë vendi tjetër atëherë i dorëzohet gudiave vendase edhe kështu që kjo nuk u arrit të bëhet në Prizren po as në Kosovë”, tha Parim Kosova, drejtor i Kompleksit Lidhja Shqiptare e Prizrenit.
Drejtori i turizmit në Prizren, Ramadan Tarashaj, thotë se po presin nga ministria udhëzimet e reja për menaxhimin me turistë të huaj.
“Jemi duke pritë prej ministrisë për me na dhënë udhëzimet që t’i ndalojmë guidat e jashtme t’i japin edhe informatat edhe gabueshme apo te rrejshme si te thojmë e shtrembërojnë historinë apo diçka tjetër por presim që të na lansojnë edhe të certifikohemi gjithë të jemi të gatshëm që ne me gudiat tona ti prezantojmë qytetin ose shtetin tonë”, tha Ramadan Tarashaj, drejtor i Turizmit- Prizren
Ende nuk ka statistika të sakta se sa vizitorë e vizitojnë qytetin, por, sipas Parim Kosovës, vetëm në Lidhjen Shqiptare të Prizrenit, në vit regjistrohen rreth 70 mijë vizitorë.
