Analiza tregoi se Nju Jorku është i pari në listë sepse konsiderohet kryeqyteti ekonomik i Shteteve të Bashkuara të Amerikës, dhe në disa mënyra – i botës.
Indeksi Global i Qyteteve i Ekonomisë së Oksfordit ka zbuluar renditjen e qyteteve më të mira në botë në vitin 2025.
Organizata e pavarur e kërkimit ekonomik analizoi 1,000 qytete në të gjithë botën për sa i përket standardeve të jetesës, rritjes ekonomike, politikave mjedisore, arsimit, fuqisë punëtore dhe potencialit demografik, si dhe efektivitetit të qeverisë për të ofruar një pasqyrë të detajuar se cilat qytete aktualisht po udhëheqin skenën globale dhe kanë potencialin më të madh për zhvillim dhe prosperitet. Analiza tregoi se se Nju Jorku është në krye të listës sepse konsiderohet kryeqyteti ekonomik i Shteteve të Bashkuara dhe, në disa mënyra, i botës.
Pas tij vjen Londra, e cila thuhet se është vendosur si një qendër vazhdimisht e rëndësishme për biznesin, shkencën dhe teknologjinë, arsimin dhe artet. Kryeqyteti i Francës është në vendin e tretë në renditjen e qyteteve më të mira në botë në vitin 2025.
Midis dhjetë qyteteve më të mira janë pesë qytete amerikane: përveç Nju Jorkut, janë edhe San Jose (në vendin e 4-të), i cili konsiderohet si shtëpia e kompanive të mëdha të teknologjisë, Seattle (në vendin e 5-të), Boston (në vendin e 8-të) dhe San Francisco (në vendin e 10-të).
Qytetet më të mira në botë në vitin 2025 sipas indeksit të Ekonomisë së Oksfordit:
- Nju Jork, SHBA
- Londër, Mbretëria e Bashkuar
- Paris, Francë
- San Jose, SHBA
- Seattle, SHBA
- Melbourne, Australi
- Sidnei, Australi
- Boston, SHBA
- Tokio, Japoni
- San Francisko, SHBA
