Në portin e Sarandës mbërriti sot anija turistike “Seabourn Encore” me 600 turistë nga vende të ndryshme të botës.
“Seabourn Encore” është një anije luksoze e kompanisë Seabourn, e njohur për shërbimin e saj të nivelit të lartë.
Anija ofron udhëtime në destinacione të ndryshme në botë, duke përfshirë Mesdheun, Karpatet, Karaibet dhe më gjerë. Kjo anije udhëton në shumë vende dhe qytete të njohura globale.
Anija do të qëndrojë në portin e Sarandës deri rreth orës 19:00 të mbrëmjes.
Shumica e turistëve kanë preferuar ta eksplorojnë zonën me guida turistike, ku në fokus të tyre janë qyteti antik i Butrintit, pika të ndryshme dhe atraksione turistike brenda qytetit të Sarandës, si: sinagoga ebraike, Muzeu i Traditës, Galeria e Artit etj., si dhe Syri i Kaltër, Rrepet e Karahaxhit etj”.
