Gjatë asaj periudhe, Putini fitoi popullaritet për shkak të pikëpamjeve të tij të ashpra në lidhje me Luftën e Dytë Çeçene, e cila filloi në fund të verës së vitit 1999, por komentet e tij për Ukrainën në atë kohë tingëllojnë pothuajse të pabesueshme sot.
Në bisedën me prezantuesin, Putin iu përgjigj një pyetjeje në lidhje me marrëdhëniet ruso-ukrainase dhe spekulimet se Rusia mund të “marrë Krimenë”.
“Para së gjithash, ne nuk duam ta marrim Krimenë, kjo është absurditet absolut. Nëse fillojmë t’i marrim diçka dikujt, atëherë ai patjetër do të na marrë diçka. Ose do të humbasim diçka. Sidoqoftë, ne do të fillojmë një ndarje të tillë në territorin e ish-Bashkimit Sovjetik nga e cila nuk do të shërohemi kurrë”, tha Putin në atë kohë.
Dy dekada më vonë, Putini bëri pikërisht atë që e refuzoi publikisht – Rusia aneksoi Krimenë, filloi një luftë në Donbas dhe në vitin 2022 kreu një pushtim të plotë të Ukrainës, duke sjellë shkatërrim dhe destabilizim jo vetëm për Ukrainën, por edhe për rajonin më të gjerë.
Fjalët e Putinit nga viti 1999 shërbejnë sot si një kujtesë se sa të përkohshme mund të jenë deklaratat politike dhe si politika reale mund t’i hedhë poshtë ato. Në këtë rast, është një shembull i drejtpërdrejtë i shkeljes së deklaratave të veta – me pasoja tragjike për të gjithë kontinentin evropian.
