Kryetari i Aleancës për Ardhmërinë e Kosovës, Ramush Haradinaj thotë se në takim te presidentja e propozoi 12 tetorin si datë për mbajtjen e zgjedhjeve lokale.
Kjo datë është plotësisht në përputhje me afatet ligjore, dhe shpreson që të përfillet ky propozim.
“Sot, në takimin konsultativ të thirrur nga Presidentja e Republikës, znj. Vjosa Osmani-Sadriu, për caktimin e datës së zgjedhjeve komunale, propozova që këto zgjedhje të mbahen më 12 Tetor 2025. Kjo datë është plotësisht në përputhje me afatet ligjore. Shpresoj që Presidentja ta shfrytëzojë të drejtën e saj kushtetuese dhe të përfillë këtë propozim”, ka shkruar Haradinaj, pas përfundimit të takimit të liderëve me presidenten Osmani.
