Drejtoria për Mirëqenie Sociale e Komunës së Prishtinës ka marrë vendim për ndarjen e 20,400 euro si mbështetje financiare për familjet strehuese, fëmijët dhe të rriturit në strehim familjar.
Në një postim të bërë në rrjetin social Facebook të faqes “Kryeqyteti Prishtina” është bërë me dije se në këtë mënyrë synohet të fuqizohet përkujdesi për strehimin familjar.
“Kjo mbështetje synon të fuqizojë formën më të ngrohtë dhe humane të përkujdesjes — strehimin familjar dhe është dëshmi e përkushtimit tonë për të siguruar mirëqenie dhe siguri për çdo individ në nevojë”, thuhet në njoftim.
