Deputeti i LDK-së Arben Gashi tha se e vërteta është se po mungon vullneti politik për të gjetur një zgjidhje e kjo, sipas tij, po e dëmton rëndë reputacionin e Kuvendit të Kosovës.
I pyetur për zgjedhje të dyfishta, lokale e nacionale tha se nëse zgjedhjet janë zgjidhja atëherë kjo edhe mund të ndodhë.
“Mund të vijmë edhe në atë situatë kur zgjedhjet janë zgjidhja, nëse partitë politike do të dakordohen, patjetër që duhet të mbahen zgjedhjet, do të jetë shumë e komplikuar shumë problematike t’i menaxhojë KQZ-ja, KQZ ka dështuar të menaxhojë zgjedhjet e fundit nacionale dhe mendoj se do të jetë pothuajse e pamundur të menaxhohen dy palë zgjedhje, por gjithsesi nëse vendoset, do të shkohet në dy palë zgjedhje”, tha ai.
