Presidentja e vendit, Vjosa Osmani, ka shprehur mirënjohje për artistët dhe organizatorët që realizuan koncertin “Kanga jonë 2025 – Të fala nga Prishtina”, i cili shënoi një mbrëmje të veçantë kulturore dhe përmbylljen me dinjitet të Forumit Ndërkombëtar WPS.
E mbajtur në kuadër të aktiviteteve për 26-vjetorin e çlirimit të Kosovës, kjo natë iu kushtua trashëgimisë muzikore shqiptare dhe veçanërisht veprës së kompozitorit të njohur Musa Piperku. Në nderim të kontributit të tij të jashtëzakonshëm për muzikën shqipe, Presidentja Osmani i ndau Medaljen Presidenciale të Meritave, post mortem.
“Një mbrëmje e paharrueshme, në nderim të një artisti që me veprat e tij pasuroi jetën tonë kulturore dhe la gjurmë të thella në muzikën shqiptare,” u shpreh Osmani, duke theksuar rëndësinë e ruajtjes dhe promovimit të kulturës kombëtare.
