Administrata e Presidentit të SHBA-së, Donald Trump, po ushtron presion mbi vendet e Ballkanit, kryesisht Serbinë, që të pranojnë migrantë të deportuar nga Shtetet e Bashkuara të Amerikës në territorin e tyre.
Kërkesat drejtuar vendeve në rajon janë pjesë e një strategjie më të gjerë të SHBA-së për të gjetur qeveri të huaja të gatshme të pranojnë emigrantë të deportuar, raportoi Reuters , duke cituar burime të njohura me çështjen.Muajin e kaluar, Gjykata Supreme e SHBA-së i lejoi administratës Trump të revokojë statusin e përkohshëm ligjor të qindra mijëra emigrantëve venezuelas, kubanë, haitianë dhe nikaraguanë që jetojnë në Shtetet e Bashkuara, duke forcuar përpjekjet e presidentit republikan për të rritur deportimet.
Administrata Trump po shqyrton destinacione të mundshme për emigrantët që mund të deportohen si rezultat i vendimit, sipas raportit.
Kohët e fundit, kryeministri britanik Keir Starmer tha se po shqyrton planet për të deportuar migrantët në të ashtuquajturat “qendra kthimi” në Ballkanin Perëndimor, pavarësisht paralajmërimit të shërbimit britanik të inteligjencës MI6 se vende të tilla mund të përdoren nga spiunët rusë.
