Në një atmosferë sportive dhe miqësore, pjesëtarët e Policisë së Kosovës dhe KFOR-it amerikan zhvilluan një garë shahu në ambientet e Federatës së Shahut të Kosovës.
Sipas njoftimit të Policisë së Kosovës, “gara është zhvilluar mes dy ekipe, secili ekip është përfaqësuar me nga 5 lojtarë.” Ky aktivitet u organizua me qëllim të forcimit të bashkëpunimit dhe ndërtimit të marrëdhënieve ndërmjet forcave vendore dhe atyre ndërkombëtare në Kosovë.
Policia e Kosovës ka shprehur mirënjohje për pjesëmarrjen e partnerëve amerikanë.
“Falënderojmë KFOR-in amerikan për pjesëmarrje, po ashtu Federatën e Shahut për ndihmën e dhënë në organizimin e kësaj gare”, thuhet në njoftim.
