Ministria e Jashtme izraelite njoftoi se një varkë me vela që mbante një grup aktivistësh dhe një sasi të vogël ndihmash humanitare, e cila po përpiqej të lundronte drejt Rripit të Gazës, mbërriti në një port izraelit.
Aktivistja suedeze e klimës Greta Thunberg dhe një eurodeputet francez janë midis 12 personave në bordin e anijes Madleen, e cila u ndalua nga forcat izraelite më herët sot.
Izraeli e quajti anijen një “varkë me vela për selfie” dhe tha se ajo mbante “më pak ndihmë sesa mund të futet në një kamion të vetëm”. Autoritetet njoftuan se të gjithë aktivistët do të deportoheshin.
