Shkruan: Dr. Muhamet KELMENDI
Mënyra e të shprehurit dhe të veprimit në Tiranë kundër simboleve të Kosovës nuk shkon dhe nuk përkon me realitetin.
Simbolet e Kosovës nuk bëjnë përçarje.
Çdo simbol i Kosovës ka elemente atdhetare. Vetëm flamuri i shtetit është jo adekuat në kombin tonë.
Por është i shtetit të Kosovës.
Festen nëpër stadione nuk mund ta ndali askush.
Kudo veprohet nga tifozët në forma të ndryshme.
Ajo është e drejtë elementare.
Edhe në shtetet me demokraci të gjatë liberale festohet në forma atdhetare. Kudo përdoren flamuj dhe simbole tjera të kombit dhe të shtetit.
Aty dhe në këto shtete në UE dhe në botë, ku festohet kombëtarisht, nuk qenka përzierje e sportit me politikën?
Vetëm tek ne qenka përzierje.
Mosni kështu!
Ndaj,festimi nëpër stadione i tifozëve shqiptarë me këngën e heroit tonë Adem Jasharit, me Flamurin e UÇk-së etj., është e drejtë e patjetërsueshme e shqiptarëve.
Ajo nuk ka të bëjë me përçarje.
N6e të kundërtën, kush vepron dhe më cilëson mua përçarës, vetë me shkrimet e tilla krijoni përçarje në komb.
Kjo, për faktin, se po e fryjnë pikerisht përçarjen.
Shqiptarët janë një komb. Ata e kanë të kaluarën kombëtare të njëjtë, gjuhën dhe kulturën e njëjtë; historinë dhe formimin socio-psikologjik.
I kanë elementet e kombit.
Tjetër është ndarja e padrejtë që iu ka bërë kombit.
Prandaj, shqiptarët edhe kremtojnë bashkarisht.
