Protestat kanë vazhduar në Los Angeles prej ditësh, fillimisht të nxitura nga bastisjet dhe deportimet e emigrantëve. Protestat janë bërë të dhunshme dhe Presidenti i SHBA-së Donald Trump ka vendosur Gardën Kombëtare në qytet pa pëlqimin e shtetit.
Ushtria amerikane do të vendosë përkohësisht rreth 700 marins në Los Angeles derisa të mbërrijnë më shumë trupa të Gardës Kombëtare, duke shënuar një tjetër përshkallëzim në përgjigjen e Presidentit Donald Trump ndaj protestave në rrugë. Zyrtari amerikan, i cili foli në kushte anonimiteti, tha se një batalion i Marinsave do të dërgohet në detyrë të përkohshme derisa të mbërrijnë më shumë trupa të Gardës Kombëtare në vendngjarje.Qindra marinsat amerikanë kanë mbërritur në Los Angeles, dhe pritet të ketë më shumë gjatë gjithë ditës, me urdhër të Presidentit Donald Trump, i cili më parë dërgoi 4,000 anëtarë të Gardës Kombëtare për të shuar protestat pavarësisht kundërshtimit nga udhëheqësit lokalë.Guvernatori i Kalifornisë, Gavin Newsom, tha se ishte “një fantazi e çmendur e një presidenti diktatorial” dhe njoftoi një padi kundër Trump për dërgimin e trupave pa lejen federale. Kjo është hera e parë që nga viti 1965 që një president ka dërguar Gardën Kombëtare në një qytet amerikan pa pëlqimin e guvernatorit.
