Presidentja e Republikës së Kosovës, Vjosa Osmani, ka uruar qytetarët e Kosovës me rastin e 12 Qershorit – Ditës së Çlirimit, përmes një mesazhi të publikuar nga Tokio, ku ndodhet për vizitë zyrtare.
“Gëzuar Ditën e Çlirimit, kësaj radhe nga Tokio! Nga Kosova në Japoni, shpirti i çlirimit dhe vendosmëria e popullit tonë nuk shuhet kurrë,” është shprehur Presidentja Osmani, duke theksuar se kjo ditë është një përkujtim i fuqishëm për betejën e përbashkët për drejtësi, pa marrë parasysh vendndodhjen.
“Liria na bashkon – sot dhe përherë,” ka thënë Osmani, duke nënvizuar unitetin dhe vendosmërinë e popullit të Kosovës si themel të shtetësisë dhe të së ardhmes së përbashkët.
