Iraku paraqiti një ankesë në Këshillin e Sigurimit të OKB-së duke dënuar Izraelin për “shkelje” të hapësirës ajrore irakiane dhe përdorimin e saj për sulme ushtarake kundër Iranit.
“Kjo është një shkelje flagrante e sovranitetit të Irakut”, tha ministria e jashtme irakiane, duke i bërë thirrje “Këshillit të Sigurimit të marrë përsipër përgjegjësitë e tij” dhe të veprojë për të “ndaluar përsëritjen e praktikave të tilla”.
Iraku dënon agresionin ushtarak izraelit kundër Iranit
Tre raketa u gjetën këtë mëngjes në dy sektorë shkretëtire në Irak. Njëra prej tyre, në provincën qendrore të Diyalës, nuk arriti të shpërthente, ndërsa dy u gjetën në provincën jugore të Dhi Qar, duke lënë një krater katër metra të thellë.
Iraku më parë e ka dënuar “agresionin ushtarak” të Izraelit kundër Iranit si një “kërcënim për paqen dhe sigurinë ndërkombëtare”.
Ajatollah i Madh Ali Sistani, autoriteti suprem fetar për miliona shiitë në Irak dhe në mbarë botën, dënoi “krimet e entitetit pushtues në Palestinë” dhe i bëri thirrje bashkësisë ndërkombëtare të “ushtrojë presion mbi agresorin dhe mbështetësit e tij për të parandaluar përsëritjen e sulmeve”.
