Mediat shtetërore iraniane raportuan se pesë persona u vranë dhe 20 të tjerë u plagosën në sulmet izraelite ndaj Iranit.
Midis të plagosurve ka gra dhe fëmijë.Më parë ishte raportuar se zyrtarë të lartë ushtarakë u vranë: Komandanti i Përgjithshëm i Korpusit të Gardës Revolucionare Islamike (IRGC), Hossein Salami, Komandanti i Shtabit Qendror të Khatam-al Anbiya, Gholamali Rashid dhe Shefi i Shtabit të Forcave të Armatosura Iraniane, Mohammad Bagheri.
Midis të vrarëve ishin dy shkencëtarë bërthamorë: ish-kreu i Organizatës së Energjisë Atomike të Iranit, Fereydoon Abbasi, dhe një shkencëtar i përfshirë në programin e armëve bërthamore të Iranit, Mohammad Mahdi Tehranchi.
Një numër zyrtarësh iranianë, përfshirë Udhëheqësin Suprem Ajatollah Ali Khamenei, folën pas sulmit të Izraelit ndaj objekteve bërthamore në Iran dhe njoftuan hakmarrje.
