Ndërsa televizioni shtetëror iranian vazhdon t’u bëjë thirrje qytetarëve izraelitë të evakuohen për shkak të sulmeve të reja të paralajmëruara, ambasadori iranian në OKB, Amir Saeid Iravani, tha se Irani po vepronte në përputhje me të drejtën për vetëmbrojtje dhe se të gjitha sulmet ishin “proporcionale dhe të drejtuara ekskluzivisht në objektiva ushtarake dhe infrastrukturën përkatëse”.
Në një letër drejtuar Këshillit të Sigurimit të OKB-së, Iravani shkroi:
“Pas përshkallëzimit të qëllimshëm të situatës nga Izraeli dhe vazhdimit të veprimeve të tij agresive… Irani, në përputhje me parimin e proporcionalitetit, ndërmori masa shtesë duke synuar infrastrukturën specifike në Izrael si objektiva legjitime që mbështesin materialisht agresionin izraelit.”
Ai shtoi se Irani akuzon Izraelin për sulme ndaj civilëve dhe infrastrukturës civile.
