Kuvendi i Kosovës do të mblidhet nesër në përpjekje për t’u konstituuar për herën e 35-të. Anëtarja e Kryesisë së PDK-së, Eliza Hoxha, në një intervistë për “Info Plus” të RTK-së ka deklaruar se rezultati pritet të jetë i njëjtë si në rastet e mëparshme.
“Zgjidhja nuk është as teknike, as juridike, por është puro politike. Në mungesë të dialogut dhe dëshirës për të krijuar tokën e përbashkët për të ecur përpara, mendoj se nuk kemi sesi të presim ndryshe kur mjetet vazhdojnë të mbesin të njëjta”, ka thënë Hoxha.
Ajo ka theksuar se në rast të ndërrimit të kandidatit për kryetar të Kuvendit, procesi mund të ecë përpara.
“Ne aktualisht mund të themi që s’ka rol as pozitë, as opozitë. Ka rol mandatar të partisë që ka fituar zgjedhjet, meqë ka propozuar kandidaten për kryetare të Kuvendit, t’i sigurojë votat”, ka theksuar Hoxha.
