Mijëra njerëz dolën sot në rrugët e Teheranit dhe qyteteve të tjera iraniane, duke iu përgjigjur thirrjes së regjimit për turma të mëdha njerëzish që të mblidheshin për lutjet tradicionale të së premtes dhe protesta kundër Izraelit. Protestuesit valëvitnin flamuj dhe brohorisnin slogane anti-perëndimore, shumë prej të cilëve mbanin në dorë foto të komandantëve iranianë të vrarë që nga fillimi i konfliktit me Izraelin.
Lutja në Teheran u pasua nga protesta të mëdha në qendër të qytetit, me televizionin shtetëror që shfaqi imazhe të demonstruesve që shkelnin flamujt izraelitë dhe amerikanë. Flamujt e Hezbollahut, aleatit të Iranit në Liban, u valëvitën gjithashtu në rrugë.
Përgatitni arkivolet”
Sipas pamjeve nga agjencia gjysmëzyrtare e lajmeve Tasnim, turma këndonte kundër Izraelit dhe Mbretërisë së Bashkuar. Sky News citoi gjithashtu një grua nga Karaj, një qytet në perëndim të Teheranit, e cila u tha banorëve të Tel Avivit të “përgatitnin arkivolet”.
Tubime të ngjashme u mbajtën në qytete të tjera, përfshirë Ahvazin, ku një imam udhëhoqi lutjet i veshur me uniformë ushtarake me një pushkë në dorë.
