Një milici e fuqishme shiite nga Iraku, e cila mbështetet nga Irani, ka njoftuar se do të sulmojë bazat ushtarake amerikane në Lindjen e Mesme nëse administrata Trump përfshihet në konfliktin izraelito-iranian.
“Ne riafirmojmë, me qartësi edhe më të madhe, se nëse Shtetet e Bashkuara hyjnë në këtë luftë, Trumpi i shpërqendruar do të humbasë të gjitha trilionët nga ky rajon që ai ëndërron. Janë krijuar plane operacionale për këtë qëllim”, tha Abu Ali al-Askari, shefi i sigurisë së Kataib Hezbollah.
Trump duhet të marrë një vendim brenda dy javësh
“Pa dyshim, bazat amerikane në të gjithë rajonin do të bëhen të ngjashme me vende gjuetie”, shtoi ai. Shtëpia e Bardhë njoftoi dje se presidenti amerikan do të marrë një vendim brenda dy javësh nëse do të nisë një sulm ndaj Iranit.
Al-Askari kërcënoi gjithashtu të mbyllë Ngushticën e Hormuzit midis Gjirit Persik dhe Gjirit të Omanit, si dhe rrugën e ngushtë ujore Bab-el-Mandeb që të çon në Detin e Kuq nga jugu. “Portet e naftës përgjatë Detit të Kuq do të pushojnë së funksionuari, për të mos përmendur surprizat e paparashikuara që mund të presin aeroplanët e tyre në qiell”, tha ai.
Shtetet e Bashkuara thanë janarin e kaluar se Kataib Hezbollah ka të ngjarë të jetë pas një sulmi me dron ndaj një poste të vogël amerikane në Jordani të njohur si Kulla 22. Sulmi vrau tre ushtarë amerikanë dhe plagosi më shumë se 30 të tjerë.
