Shkruan: Lulzim ZENELI
35 herë dështim, 35 herë më shumë turp dhe papërgjegjësi ndaj shtetit.
Kosova pa institucione, pa drejtim, pa përgjigje.
Kjo po ndodh, në një kohë kur bota po digjet nga luftërat, kur kemi kriza gjithnjë me të mëdha, pasiguri globale.., ndërsa ne po e dëshmojmë sa të papërgjegjshëm jemi .
Sot, në parkun e Gërmisë, një qytetar i moshuar, i lodhur… por, me vete mbante lartë forcën e një ndërgjegjeje kolektive, me foli me zë të ulët.. “Po të ishin gjallë ata që dikur i dhanë drejtim këtij vendi, çka do të kishin thanë sot?”
Fjalën e kishte për ata që udhëhoqën Kosovën, për ata që i dhanë vendit vizion, kur kërkohej guxim dhe përgjegjësi politike. Ky vend ka pasur institucione legjitime edhe atëherë kur liria ishte e ndaluar.
Kosova kishte përfaqësim politik dhe orientim të qartë kombëtar .
Sot, në liri, dhe me kushtetutë, vendi është pa vendimmarrje dhe pa drejtim.
Kjo nuk është më thjesht një krizë politike,
Kjo është mohim i gjithçkaje që është ndërtuar për dekada. Ky është abuzim me durimin e qytetarëve.
Shteti nuk mbahet me numra, por me njerëz që kanë vizion dhe kurajë. E kur mungon kjo.., çka mbetet!
Por një gjë duket shumë e qartë:
Nga ky faj nuk përjashtohet askush. Asnjë parti. Asnjë lider. Asnjë deputet.
Turp!
