Irani dhe Izraeli shkëmbyen sulme të reja gjatë natës, një ditë pasi Teherani tha se nuk do të negociojë për programin e tij bërthamor ndërsa është nën kërcënim dhe Evropa u përpoq të zhvillojë bisedime paqeje. Nuk pati raportime fillestare për viktima.
Një zëdhënës i shërbimeve të emergjencës Magen David Adom (MDA) të Izraelit tha se nuk u raportuan incidente të mëdha pas sirenave të fundit të sulmeve ajrore që u dëgjuan në të gjithë vendin, përveç një incidenti në Izraelin qendror ku një zjarr shpërtheu në çatinë e një ndërtese.
Banorët janë evakuuar dhe deri më tani nuk është raportuar për të lënduar. Ekipet e MDA-së janë në vendngjarje duke ofruar ndihmë mjekësore për disa persona që pësuan sulme paniku dhe po vazhdojnë të kërkojnë në zonë për lëndime të tjera të mundshme.
