Shkruan: Gurakuç KUÇI – Hulumtuesi i Lartë në Institutin për Studime të Luftës Hibride “OCTOPUS”
Serbia flet për viktimat e saj, por fsheh krimet që vetë i ka kryer.
Ja të vërtetat që Beogradi nuk do t’i dëgjoni:
Kosova ka gërmuar dhe hetuar çdo dyshim për varreza masive. Serbia? Ajo ka 11 lokacione të dyshuara brenda territorit të saj—asnjë prej tyre nuk është hetuar që nga zbulimi në vitin 2020 i varrezës masive në Kizevak, ku u gjetën trupa të djegur dhe të fshehur të shqiptarëve brenda një baze ushtarake.
Në Batajnicë (Beograd), Serbia fshehu mbi 700 trupa shqiptarësh—të vrarë në Kosovë, të transportuar me kamionë frigoriferikë, dhe të varrosur për të mbuluar krimet e shtetit.
Në Rudnicë, u zbuluan 52 shqiptarë të zhdukur. Serbia e fshehu ekzistencën e kësaj varreze për 15 vjet.
Kosova ka identifikuar mbi 2,400 viktima të vrara nga Serbia në Kosovë përmes analizës së ADN-së. Serbia nuk ka bërë as përpjekjen minimale për të zbardhur fatin e shqiptarëve të zhdukur brenda territorit të vet.
Deklarata për rastin e “Belacevcit” është manipulim politik. Ata punëtorë ishin pjesë e sistemit të EPS-it serb, nën kontrollin e forcave serbe. Nuk ka asnjë dëshmi për përfshirje shqiptare.
Kujtoni rastin “PANDA” në Pejë. Serbia vrau fëmijët e vet për të fajësuar shqiptarët. Vetë Vuçiq e pranoi: “Nuk ishin shqiptarët.” A po përdoret tani e njëjta taktikë?
Nga 1,623 persona të zhdukur, mbi 90% janë shqiptarë. Serbia përmend vetëm serbët (zhdukjet e të cilëve i ka inskenuar vetë) për të krijuar një barazim të rremë dhe për të fshehur fajin e vet.
Prej 25 vjetësh, Serbia refuzon të hapë arkivat e policisë dhe ushtrisë. Ajo bllokon qasjen në dokumentet e operacioneve të luftës—sepse i fsheh urdhrat, komandat dhe kriminelët.
Serbia nuk mund të flasë për drejtësi pa zbuluar gjenocidin që ka kryer në Kosovë:
Krushë e Madhe – 241 civilë të vrarë Mejë – 377 të ekzekutuar në një ditë Suharekë – 49 anëtarë të një familjeje të masakruar Rezallë – 98 shqiptarë të ekzekutuar me duar të lidhura Burgjet serbe – qindra shqiptarë të zhdukur pas luftës Qyshk, Zahaq, Pavlan, Llabjan – 123 të masakruar e të zhdukur dhe shumë të tjera…
Drejtësia nuk matet me deklarata, por me veprime konkrete:Hapni arkivat, hapni varrezat masive, pranoni krimet. Kosova e ka bërë këtë. Serbia ende jo.
Zyra e ashtuquajtur për Kosovën, e drejtuar nga Petkoviq, nuk është krijuar për të ndihmuar—por për të mashtruar. Qëllimi i saj i vetëm ka qenë të përhapë gënjeshtra kundër Kosovës, të manipulojë faktet dhe të ushqejë fushatën hibride të Serbisë. Deri më sot, nuk ka prodhuar asnjë dëshmi për ndonjë punë të mirë—madje as për vetë komunitetin serb që pretendon ta përfaqësojë.
