Ka përfunduar në prangat policisë një i dyshuar, pasi i njëjti në një lokacion në Istog ndalonte automjete, pa autorizim. Policia thotë se me të marrë informatën shkuan në vendin e ngjarjes ku arrestuan të dyshuarin për të cilin thonë se ishte edhe agresiv.
“Drejtoria Rajonale e Policisë nё Pejё, Stacioni Policor Istog, me datën 22.06.2025, rreth orës 09:30, ёshtё njoftuar se një person i dyshuar po i ndalon automjetet pa autorizim. Njësitet relevante tё Stacionit Policor nё Istog kanё shkuar nё atë lokacion dhe kanё arrestuar tё dyshuarin, i cili ishte agresiv. Lidhur me këtë rast kanë dalë mjekët kompetentë për ta kontrolluar tё dyshuarin”, thotë Policia e Kosovës.
Ndërkohë, kanë bërë të ditur se nё vendin ku i dyshuari kishte qёndruar, gjatё bastisjes, janё gjetur dhe janë sekuestruar armë. “Njё armё AK-47, dy karikatorë tё sё njëjtёs armё, pesёdhjetё e pesё fishekё 7.62 mm. Me vendim tё prokurorit tё Shtetit personi i dyshuar ndalohet pёr 48 orё”, njofton policia.
