Deputeti i Lëvizjes Vetëvendosje, Hekuran Murati, ka kritikuar deputetët e partive ish-opozitare për mospjesëmarrjen e tyre në procesin e votimit gjatë seancave parlamentare.
Ai tha se bllokimi është bërë tek vota për komisionin e votimit të fshehtë.
Murati tha se po presin edhe Kushtetuesen për votimin e fshehtë, pasi që është dërguar aty nga një parti politike. Sipas tij, votimi i fshehtë mënyra me mirë për dalje nga ngërçi, derisa kritikoi partitë e tjera që kanë thënë se do të fotografojnë votën.
“Duhet ta kemi votimin e fshehtë. Sepse deputet duhet të jenë të lirë ta shprehin vullnetin e tyre. Pse ka kaq shumë mosbesim ndaj votimit të tyre? Sa u thonë edhe ua fotografojmë votën. Le të konsumohet votimi i fshehtë njëherë”, tha Murati.
Murati ka folur edhe ratifikimi e marrëveshjeve ndërkombëtare. “Është marrëeshja me Bankën Botërore që pret për miratim nga maji i vitit të kaluar, kjo e dëshmon se nuk bëhet fjalë vetëm për një emër të përveçëm siç pretendon opozita por bëhet fjalë për një bllokadë sistematike, qysh edhe gjatë legjislaturës së kaluar kur refuzonin ratifikimin e marrëveshjeve ndërkombëtare”, është shprehur Murati.
