Është ngritur aktakuzë për të pandehurin, G.G. , nga Gjakova i cili dyshohet për dhunë në familje duke përfshirë një sërë veprash penale.
“Sipas pikës I të dispozitivit të aktakuzës, ndër të tjera ceket se i pandehuri me inicialet G.G., më datë 26.02.2025, rreth orës 13:00 në rr. “I.G.” në Gjakovë, saktësisht në shtëpinë e tij, seriozisht dhe me armë AK 47, e kanos të dëmtuarën bashkëshorten e tij E.G., dhe të dëmtuarin I.H., i cili është vëllai i bashkëshortes së tij se do ti privojë nga jeta, në atë mënyrë që ditën kritike për shkaqe xhelozie pasi dyshon se e dëmtuara E.G., po e tradhton”, thuhet në komunikatën për media të Prokurorisë Themelore në Gjakovë.
Përveç veprës penale “Kanosja”, i pandehuri dyshohet edhe për veprat “Lëndimi i lehtë trupor”, “Mbajtja në pronësi, kontroll ose posedim të paautorizuar të armëve” si dhe “Posedimi i paautorizuar i narkotikëve, substancave psikotrope ose analoge”.
“Sipas pikës IV të dispozitivit të aktakuzës, ndër të tjera ceket se i pandehuri me inicialet G.G., më datë 26.02.2025 rreth orës 13:00 në rr. “I.G.” në Gjakovë, saktësisht në shtëpinë e tij, pa autorizim posedon narkotikë”, vazhdon njoftimi.
