Ka treguar se bashkë me emisarin norvegjez diskutuan për zhvillimet aktuale në Kosovë dhe rajon, për perspektivën euroatlantike, si dhe për nevojën e thellimit të bashkëpunimit ndërmjet Kosovës dhe Norvegjisë.

“Norvegjia ka qenë historikisht një mbështetëse e fuqishme e paqes dhe stabilitetit në Ballkanin Perëndimor dhe një partnere e rëndësishme për Kosovën në shumë fusha. Mirënjohës për angazhimin e z. Mathisen dhe për përkushtimin e shtetit norvegjez ndaj Kosovës”, shkroi Haradinaj, pas takimit ku ishin të pranishëm edhe Fredrik Onstad, këshilltar në Ministrinë e Punëve të Jashtme të Norvegjisë, dhe Armend Mehaj, ish-ministër i Mbrojtjes në Kosovë.